Friday, 4 October 2013

HELL IS OTHER PEOPLE – APPLICATION

തീരെ സമയമില്ലാതെ അര്‍ജന്റ് ആയി എങ്ങോട്ടെങ്കിലും പോകുമ്പോള്‍ വഴിയില്‍ വായാടിയായ ഒരു സുഹൃത്തിന്റെ മുന്‍പില്‍ പെട്ടാലോ ? പെട്ടത് തന്നെ അല്ലെ? എന്നാല്‍ ആ കാലം അവസാനിച്ചിരിക്കുന്നു. ഇത് സ്മാര്‍ട്ട്‌ഫോണുകളുടെ കാലം. എന്തിനും ഏതിനും ആപ്ലിക്കേഷനുകള്‍ ഉള്ള കാലത്ത് ഇത്തരക്കാരെ ഒഴിവാക്കാനും ഒരു ആപ്ലിക്കേഷന്‍


‘ഹെല്‍ ഈസ് അതര്‍ പീപ്പിള്‍’ എന്ന പേരിലാണ് ഈ സ്മാര്‍ട്ട്‌ ഫോണ്‍ ആപ്ലിക്കേഷന്‍ ഇറങ്ങിയിരിക്കുന്നത്. ലൊക്കേഷന്‍ ഷെയറിംഗ് സൈറ്റായ ഫോര്‍ സ്‌ക്വയറുമായി ചേര്‍ന്നാണ് ഈ അപ്ലിക്കേഷന്‍ പ്രവര്‍ത്തിക്കുക. ശല്യക്കാരും വായാടികളുമായ നിങ്ങളുടെ സുഹൃത്തുക്കള്‍ അല്ലെങ്കില്‍ ശത്രുക്കള്‍ എവിടെയുണ്ടെന്നും അവരെ ഒഴിവാക്കാനുള്ള മാര്‍ഗവും ഈ ആപ്ലിക്കേഷന്‍ നിങ്ങള്‍ക്ക് പറഞ്ഞു തരും. ന്യൂ യോര്‍ക്ക്‌ യൂണിവേഴ്സിറ്റിയിലെ ബിരുദ വിദ്യാര്‍ത്ഥിയായ സ്‌കോട്ട് ഗാര്‍നര്‍ എന്നയാളാണ് ഈ ആപ്ലിക്കേഷന്‍ നിര്‍മ്മിച്ചത്. ഫോര്‍ സ്ക്വയറില്‍ അക്കൌണ്ട് ഉള്ളവര്‍ക്ക്‌ ഉടനെ തന്നെ മെമ്പറാകാം.
ആപ്ലിക്കേഷന്റെ പ്രവര്‍ത്തനം ഇങ്ങനെയാണ്
  1. ആദ്യം ‘ഹെല്‍ ഈസ് അതര്‍ പീപ്പിള്‍’ ആപ്ലിക്കേഷനെ നമ്മുടെ ഫോര്‍ സ്ക്വയര്‍ അക്കൌണ്ടുമായി ബന്ധിപ്പിക്കുക.
  2. ശേഷം അപ്ലിക്കേഷന്‍ നമുക്ക്‌ ഒരു അവോയ്ഡന്‍സ് മാപ്പ് കാണിച്ചു തരും. അതില്‍ ഗ്രീന്‍, ഓറഞ്ച് നിറങ്ങളിലുള്ള പോയിന്റുകള്‍ ഉണ്ടാകും. ഓറഞ്ച് പോയിന്റുകള്‍ അപ്ലിക്കേഷനില്‍ നിലവിലുള്ള യൂസേഴ്‌സിനേയും ഗ്രീന്‍ പോയിന്റ് ശല്യക്കാരെ ഒഴിവാക്കാന്‍ എവിടെ പോയാലാണ് സാധിക്കുക എന്നത് സംബന്ധിച്ച വിവരവും നല്‍കും


0 comments:

Post a Comment

Please write your Opinion , Doubts ,Comments Below .......
With Thanks .....
- :: Haris Kolothody ::-